1. vincent van gogh dedikdə ağıla gələn ilk rəsm əsərlərindən biri.
bu əsərdə gerçəklikdən uzaq xəyal kimi bir rəsm əsərin görmək mümkündür.Bu rəsmdəki fırça izləri işığın sanki hərəkət etdiyi hissini yaradır. Eləcə də rəsmdə turbulentlik hadisəsini xatırladan dairəvi izlərdən də istifadə edilmişdir ki, bu tip əsərlər Vincentin xəstə olduğu müddətdə çəkdiyi rəsmlərdə özünü göstərir. Turbulentlilik hadisəsinə bənzəyən bu dairəvi fırça izləri rəsmə hərəkət etmə funksiyası qazandırır. Bu əsəri bənzərsiz edən onda istifadə olunmuş rənglərdir ki, Sent-Remi kəndinin qaranlığı və səmadaki parlaqlığın ahəngi bir-birini tamamlayır.Rəsmin 2/3-nə səma təsviri təşkil edir ki, burada kənd səmanın altında öz sadəliyini qoruyur və səmanın dərinliyi təbiətin insan üzərindəki gücünü təsvir edir. Rəsmdəki ağacların rəsmin müəyyən formalı hərəkəti sanki həmin gecə olan küləyin istiqamətini təsvir edir. Vincentin həmin əsəri xəstəxananın(Saint-Paul-de-Mausole) pəncərəsindən hər gün gördüyü Sent-Remi kəndinin gecə mənzərəsidir. Yağlı boya ilə çəkilmiş bu əsər hal hazırda Nyu York müasir incəsənət muzeyindədir. Bu əsər eləcə də Vincentin “Ron üzərində ulduzlu gecə” əsərini də xatırladır.